Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зміцер Дашкевіч: лісты з «Валадаркі» 14:15, 25/09/2006
23 верасьня сябры і паплечнікі лідэра “Маладога Фронта” Зьмітра Дашкевіча атрымалі першыя ягоныя лісты з ізалятара ГУУС Мінгарвыканкама на вуліцы Валадарскага. Датаваныя яны 19 верасьня.
«Прывітаньне, сябры!
У мяне ўсё добра, уваходжу ў спакойны рытм жыцьця на Валадарцы. Кепска, што патрапіў на выходныя, таму тры дні вымушаны сядзець у «адстойніку». Гэта такія камэры, што служаць перавалачную базаю перад самою «валадаркаю». У памяшканьні 12 мэтраў квадратных сядзіць 25 чалавек. Спалі трое сутак седзячы. Кумар ад цыгарэтаў такі, што ня бачна суседняй сьцяны – з усіх я адзін не палю.
Сёньня паднялі ў «хату» №92. Тут крыху весялей – 16 шконак і 21 чалавек. Сматрыла хаты – малады хлопец, гадоў мае 27. Паціху абжываюся. Як казаў наш брат Фінік, «мышыная вазьня».
Час, безумоўна цяжкі. Выпрабавальны. Ад таго, як мы пераадолеем гэтыя выпрабаваньні, будзе залежыць лёс « Маладога Фронту» і лёс беларускай моладзі, каторая, я больш чым перакананы, згуртуецца вельмі шмат у выпадку спыненьня нашай дзейнасьці».
У адным зь лістоў Зьміцер піша, што чакаў такога павароту падзеяў, хаця ня думаў, што «закрыюць» яго так хутка, -- паведамляе “Наша Ніва”.
