Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Праз два тыдні вызначыцца дата мясцовых выбараў 13:30, 02/10/2006
Падпісанне ўказу аб прызначэнні выбараў у мясцовыя Саветы чакаецца з 10 па 14 кастрычніка. Аб гэтым сёння ў інтэрв`ю журналістам паведаміла старшыня Цэнтральнай камісіі Рэспублікі Беларусь па выбарах і правядзенню рэспубліканскіх рэферэндумаў Лідзія Ярмошына.
З яе слоў, дадзены дакумент можа быць падпісаны ў адзін дзень з падпісаннем законапраекта аб занясенні паправак ў некаторыя законы Рэспублікі Беларусь па пытаннях правядзення выбараў і рэферэндумаў. "Прынамсі мы на гэта разлічваем", - растлумачыла яна.
Адразу пасля падпісання ўказу адбудзецца паседжанне ЦВК.
Нагадаем, што законапраект аб унясенні паправак у некаторыя законы Рэспублікі Беларусь па пытаннях правядзення выбараў і рэферэндумаў быў прыняты сёння ў першым і другім чытанні падчас першага пленарнага паседжання пятай восеньскай сесіі "палаты прадстаўнікоў". Законапраектам прадугледжваецца, што выбары ў мясцовыя Саветы дэпутатаў будуць праводзіцца ў адзін тур. Абраны ў дэпутаты мясцовага Савету будзе той кандыдат, які атрымае найбольшую колькасць галасоў выбаршчыкаў, якія прынялі ўдзел у галасаванні, пры ўмове, што выбары адбыліся.
