На рассакрэчванне дакументаў па савецкай гісторыі трэба не менш за сто год :: Хартыя'97 :: Навiны

Ад 90 да 120 гадоў спатрэбіцца для рассакрэчвання дакументаў, якія захоўваюцца ў расейскім дзяржаўным архіве найноўшай гісторыі, створаных да 1991 года, паведаміў журналістам у панядзелак кіраўнік Расархіву Уладзімір Казлоў.

"У савецкія гады грыф сакрэтнасці пляскаўся на ўсе дакументы, у тым ліку на тыя, якія не з`яўляюцца дзяржтайнай. Напрыклад, гэта дакраналася матэрыялаў, звязаных з культурнай і адукацыйнай сферамі. Такім чынам, у архівах назапасілася вялікая колькасць нерассакрэчаных дакументаў", - сказаў У. Казлоў.

Па яго словах, штогод міжведамасная камісія па абароне дзяржтайны рассакрэчвае каля 5,8 тыс. архіўных спраў і дакументаў, змешчаных у федэральных дзяржархівах. "Тэхналогіі рассакрэчвання і недахоп кадраў не дазваляюць здейсняць масштабнае рассакрэчванне дакументаў", - адзначыў У. Казлоў.

Ён таксама паведаміў , што да 2010 года будзе рассакрэчаны шэраг архіўных дакументаў савецкага перыяду, якія ўяуляюць гістарычную каштоўнасць.

"Паводле зацверджанага год назад плану рассакрэчвання архіўных дакументаў, разлічанаму на пяць гадоў, будзе рассакрэчаны той комплекс матэрыялаў, якія неабходныя даследнікам у найблізкія гады. У прыватнасці, гэта дакументы Камінтэрна, Савету Міністраў СССР, а таксама ваеннай адміністрацыі ў Нямеччыне", - сказаў У. Казлоў.