Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Міністра юстыцыі Італіі могуць адправіць у адстаўку з-за Вікі Мароз 16:04, 02/10/2006
Сэнатар італьянскага парлямэнту Сандра Маначэлі заявіла сёньня ў Рыме, што зьбіраецца зрабіць афіцыйны запыт да беларускай амбасады ў Рыме, міністэрстваў замежных спраў і юстыцыі Італіі з тым, каб высьветліць, дзе менавіта знаходзіцца цяпер Віка Мароз. Вядомы палітык запатрабавала таксама адстаўкі міністра юстыцыі Італіі Клемэнтэ Мастэла.
Як паведамляе “Радыё Свабода”, Сандра Маначэлі сказала: “У Італіі да Вікі паставіліся як да мафіёзі. Яе павезьлі ўначы ў аэрапорт, як нейкі груз, потым пасадзілі ў самалёт дзеля таго, каб уручыць беларускім уладам".
"Урад прэм’ера Продзі замест таго, каб расьсьледаваць гісторыю Вікі, узяў ды па-фарысейску накіраваў яе ў Беларусь. Гэта ганьба для ўсёй Італіі”, -- лічыць сэнатар.
Тым часам саюз італьянскіх бацькоў зьвярнуўся да прэзыдэнта Італіі, прэм’ер –міністра і міністра замежных спраў краіны выступіць з выкладаньнем сваёй пазыцыі адносна вяртаньня Вікі Мароз у Беларусь, а таксама заклікаў улады краіны садзейнічаць вяртаньню дзяўчынкі назад у Італію.
