Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Лідэр аб`яднаных дэмсілаў працягвае паездкі ў рэгіёны 11:41, 03/10/2006
Пытанні структурнай арганізацыі шырокага грамадскага Руху “За свабоду” і каардынацыя дзейнасці актывістаў дэмакратычных сіл лідэр беларускай апазіцыі Аляксандр Мілінкевіч мае намер абмеркаваць у беларускіх рэгіёнах. Да канца бягучага тыдня Аляксандр Мілінкевіч наведае шэраг гарадоў Мінскай, Гомельскай і Магілёўскай абласцей, дзе правядзе рабочыя нарады і сустрэчы з мясцовым насельніцтвам.
У мінулыя выходныя лідэр аб’яднаных дэмакратычных сіл Аляксандр Мілінкевіч узяў удзел у Дні гораду ў Смалявічах, а таксама правёў сустрэчу з мясцовымі актывістамі палітычных партый і грамадскіх арганізацый.
У панядзелак у Гродна і Лідзе Аляксандр Мілінкевіч удзельнічаў у пашыраных нарадах прадстаўнікоў дэмакратычных арганізацый гэтых гарадоў. Асноўнымі тэмамі размоваў былі структурнае афармленне Руху “За свабоду” ды ўзгадненне, з улікам спецыфікі Гарадзенскай вобласці, супольнай дзейнасці мясцовых дэмакратычных актывістаў падчас палітычных кампаній бліжэйшых месяцаў.
