Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Саюзнага» рэферэндуму сёлета не будзе? 15:14, 04/10/2006
Рэферэндум па Канстытуцыйным акце "саюзнай дзяржавы" Расеі і Беларусі хутчэй за ўсё не пройдзе да канца 2006 года. Такое меркаванне выказаў намеснік дзяржсакратара "саюзнай дзяржавы" Сяргей Шухно. Палітык нагадаў, што да вынясення Канстытуцыйнага акту на рэферэндум у абедзвюх краінах дакумент павінен быць прыняты на паседжанні Вышэйшага Дзяржаўнага Савету (ВДС). Ён адзначыў, што праект Канстытуцыйнага акту некалькі разоў разгледжваўся Вышэйшым Дзяржсаветам, але рашэння па яму так і не было прынятае.
У цяперашні час абноўленая камісія па падрыхтоўцы праекту Канстытуцыйнага акту падрыхтавала варыянт дакумента, аднак на паседжанне ВДС, якое плануецца правесці да канца 2006 года, адпаведнае пытанне не выносілася, падкрэсліў намеснік дзяржсакратара "саюзнай дзяржавы".
Нагадаем, што раней дзяржаўны сакратар "саюзнай дзяржавы" Павел Барадзін заяўляў, што рэферэндум аб перспектывах будаўніцтва "саюзнай дзяржавы" Расеі і Беларусі можа адбыцца ў снежні. Па яго словах, "у прынцыпе, пытанні аб правядзенні рэферэндуму, разглядзе Канстытуцыйнага акту "саюзнай дзяржавы", структуры органаў яго заканадаўчай, выканаўчай і кантрольнай улады гатовыя".
