Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Перадача вернікам мінскага бернардынскага касцёлу святога Язэпа бліжэйшым часам не плануецца. Прынамсі, яе не адбудзецца ў гэтым і наступным годзе. Пра гэта паведаміў старшыня Камітэту па архівах і справаводстве пры Савеце міністраў Уладзімір Адамушка.
Нагадаем, што ў касцёле святога Язэпа цяпер размяшчаюцца Беларускі дзяржаўны архіў-музей літаратуры і мастацтва і архіў навукова-тэхнічнай дакументацыі. Увогуле ж, у гэтым будынку архівы размяшчаюцца з канца 19-га стагоддзя.
Кіраўнік Камітэту па архівах адзначыў, што ў будучыні архівы пераедуць з храма. Пад іх будуць прыстасаваныя вызваленыя ці новыя будынкі. Пакуль жа вернікі працягваюць штодня маліцца пад сценамі касцёла за вяртанне святыні, паведамляе “Еўрапейскае радыё”.
