Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
КДБ будзе цясней супрацоўнічаць з уладай 15:51, 04/10/2006
Савет управа КДБ Беларусі па Менску і Менскай вобласці загадаў усяму асабістаму саставу засяродзіць намаганні на аператыўным суправаджэнні рэспубліканскіх і рэгіянальных дзяржаўных праграм. Такое рашэнне прынятае на паседжанні Савета, якое прайшло ў Маладзечна.
Як паведамілі ў УКДБ, пры суправаджэнні дзяржаўных праграм супрацоўнікі дзяржбяспекі будуць садзейнічаць іх эфектыўнай рэалізацыі, здзяйсняць прафілактыку службовых злачынстваў і іншых правапарушэнняў.
На паседжанні Савета было адзначана канструктыўнае ўзаемадзеянне сталічнага УКДБ з органамі ўнутраных спраў, пракуратуры, іншымі органамі дзяржаўнай улады па прафілактыцы карупцыйных і экстрэмісцкіх праяў, спыненню распаўсюджвання наркатычных і псіхатропных сродкаў у моладзевым асяроддзі.
Дадзеныя намаганні "спрыялі ўмацаванню стабільнасці сацыяльна-палітычнага становішча ў Менскай вобласці і горадзе Менску, выяўленню і ўстраненню злачынных ценявых схем у эканамічнай сферы, лакалізавалі перадумовы да надзвычайных здарэнняў на асобных важных народна-гаспадарчых аб`ектах рэгіёна".
Старшыня Менскага аблвыканкаму Мікалай Дамашкевіч, які прымаў удзел у працы Савета, выказаў удзячнасць супрацоўнікам КДБ за эфектыўнае ўзаемадзеянне і паінфармаваў удзельнікаў аб рэалізацыі дзяржаўнай палітыкі па развіцці гаспадарча-прамысловага комплексу Менскай вобласці. Ён звярнуў увагу ўдзельнікаў нарады на неабходнасць больш цеснага супрацоўніцтва з кіраўнікамі структурных падпадзяленняў аблвыканкама, актывам вобласці, уключаючы моладзевыя арганізацыі. Мікалай Дамашкевіч выказаў шэраг практычных рэкамендацый сталічнаму УКДБ па якасным паляпшэнні прафілактычнай дзейнасці, падвышэнню яе выніковасці.
