Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Да Казуліна не пусьцілі адвакатаў 15:29, 05/10/2006
Адвакату Ігару Рынкевічу і праваабаронцу Алегу Волчаку адмовілі ў спатканьні з экс-кандыдатам у прэзідэнты Беларусі, палітвязьнем Аляксандрам Казуліным. Пра гэта “Радыё Свабода” паведаміў Ігар Рынкевіч, які цяпер знаходзіцца ў будынку калёніі “Віцьба-3”, дзе ўтрымліваюць Казуліна.
Паводле Ігара Рынкевіча адмову адміністрацыя тлумачыць непадрыхтаванасьцю памяшканьня для спатканьняў. Адвакат зьбіраецца пісаць скаргу на імя начальніка калёніі.
Нагадаем, 5 кастрычніка закончыўся тэрмін карантыну, падчас якога Аляксандру Казуліну не дазваляліся сустрэчы з адвакатамі і сваякамі.
