Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
З апошняга ліста экс-кандыдата ў прэзідэнты, палітвязня Аляксандра Казуліна стала вядома, што яму дазволілі спатканне з амбасадарам Нямеччыны Мартынам Хекерам. Па правілах, усталяваных у калоніі, Казуліну дазволеныя 3 кароткатэрміновых спаткання ў год. Сустрэчу з амбасадарам адміністрацыя ВК залічыла за конт спаткання з сваякамі.
А. Казулін піша: "... я вымушаны быў згадзіцца, каб яно адбылося за конт прызначанага мне кароткатэрміновага спаткання. Нават тут драбязняцца і спрабуюць падціскаць..."
Сваё жыццё ў каранціне прафесар А. Казулін апісвае скупа: "Прастора і, у цэлым, інфармацыя абмежаваныя. Адзін тэлевізар на 70 чалавек і з адной унікальнай праграмай БТ. Я яго амаль і не гляджу. Таму кожная ваша вестка не толькі прыемная, але і важная для разумення, што адбываецца звонку. Некаторыя праблемы і аспекты заўсёды ёсць, але да новых універсітэтаў нам не прывыкаць. Думаю, што ў працоўным парадку агляджуся і разбяруся, што да чаго".
