Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія чыноўнікі не разумеюць па-беларуску? 14:04, 06/10/2006
Сення ў судзе Маскоўскага раена г.Брэста разглядалась скарга грамадскага актывіста Андрэя Шарэнды па справе незаконнага пакарання Адміністацыйнай камісіяй Маскоўскага р-на г.Брэста. Нагадаем 26 ліпеня А.Шарэнда і некалькі актывістаў напярэдадні дазволеннага (у апошні момант забароненнага) мітынгу раздавалі інфармацыйныя улеткі аб мітынгу, за што былі затрыманы і пакараныя штрафамі ад 30 да 100 тыс руб, бо ў улетках – “содержание направленно на причинение ущерба государственному и общественному порядку”.
У часе судовага разбіральніцтва А. Шарэнда папрасіў аб вядзенні справы па-беларуску. Суддзя пасля 15 хвілін гутаркі пагадзіўся весці паседжанне па-беларуску, а вось прадстаўніца з Адміністрацыйнай камісіі Малевіч Л.М. заявіла, што калі суддзя і А. Шаренда будуць размаўляць па-беларуску яна не зразумее, аб чым ідзе гаворка і не зможа прадстаўляць інтарэсы камісіі.
Шуканнем перакладчыка для сп. Малевіч (якая прызналася што мову вучыла і нават У.Караткевіча чытала!) заняўся суд, які ўрэшце высвятліў, што перакладчык будзе для сп. Малевіч толькі праз месяц.
