Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Грамадзкія арганізацыі становяцца дзяржаўнымі 18:04, 09/10/2006
Зьнішчэньне грамадзянскай супольнасьці і людзкой актыўнасьці ідзе ня толькі шляхам закрыцьця грамадзкіх аб’яднаньняў, але іх адзяржаўленьнем. Пры гэтым укараненьне ў іх дзейнасьць чыноўнікаў уладных структураў назіраецца ў больш шматлікіх і ўплывовых суполках. Гэта і прадэманстравала абласная канфэрэнцыя грамадзкага аб’яднаньня "Беларускі саюз жанчын", якая на днях адбылася ў Горадні.
Па-першае, паведамляе belngo.info, старшынёй абласнога саюзу жанчынаў выбрана Марыя Бірукова, якая зьяўляецца намесьнікам старшыні аблвыканкама і якая кіравала ідэалёгіяй яшчэ пры камуністах. А гэта азначае, што ніякай творчасьці і ініцыятывы, якія выходзяць па-за межы ідэялагіі таталітарнай дзяржавы, жанчынам “ня сьвеціць”.
І ўвогуле, амаль усе выступы на канфэрэнцыі ГА былі агучаныя дэлегаткамі, якія займаюць дзяржаўныя пасады. Пачынаючы з дэпутатак “парлямэнту” і заканчваючы супрацоўніцамі ідэалягічных аддзелаў раённых выканкамаў. За выключэньнем хіба што шматдзетнай маці са Скідалю Натальлі Герасюк і старшыні пярвічнай жаночай арганізацыі камбіната будаўнічых матэрыялаў Сьвятланы Майнінай.
