У Менск едзе прэзідэнт Азербайджана :: Хартыя'97 :: Навiны

Беларускі бок з нецярпеннем чакае візіту прэзідэнта Азербайджанскай Рэспублікі Ільхама Аліева ў Менск, які павінен адбыцца ў самы блізкі час. Аб гэтым паведаміў старшыня "палаты прадстаўнікоў" "нацыянальнага сходу" Уладзімір Канаплёў сёння на сустрэчы ў парламенце з Надзвычайным і Паўнамоцным Амбасадарам Азербайджана ў Беларусі Тэймурам Нагіевым.

Уладзімір Канаплёў выказаў пераканансць, што адносіны, якія склаліся паміж Беларуссю і Азербайджанам, у далейшым будуць развівацца яшчэ больш дынамічна.

Тэймур Нагіеў са свайго боку заявіў, што візіт лідэра Азербайджана ў Беларусь, які мае быць, умацуе двухбаковае супрацоўніцтва. Ён таскама дадаў, што ў Азербайджана ёсць вялікая цікавасць да Беларусі. Галоўнае месца ва ўзаемадзеянні займаюць эканамічныя адносіны. Па меркаванні азербайджанскага дыпламату, да канца цяперашняга года ўзаемны таваразварот у параўнанні з 2005 павялічыцца ў 2 разы. Тэймур Нагіеў лічыць, што супрацоўніцтва паміж двума краінамі мае вялікія перспектывы. Ёсць рэзервы для ўмацавання сувязяў у вобласці культуры і навукі, сказаў амбасадар.

Адзначым, што па выніках мінулага года Азербайджан займае сёмае месца ў аб`ёме гандлю Беларусі с краінамі СНД. Таваразварот з Азербайджанам у 2005-м у параўнанні з 2004 годам павялічыўся на 85,9% і склаў амаль 30 млн. Беларускі экспарт у гэтую краіну вырас на 87,9%, імпарт – на 60,7%. У студзені-ліпені 2006 года таваразварот павялічыўся ў параўнанні з аналагічным перыядам 2005 года на 34,5% і склаў $20,9 млн.