Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Выбары ў мясцовыя Саветы адбудуцца 14 студзеня 2007 года 11:10, 10/10/2006
Аляксандр Лукашэнка сваім указам вызначыў, што выбары дэпутатаў мясцовых Саветаў адбудуцца 14 студзеня , – паведамілі "Інтэрфаксу" у прэс-службе кіраўніка дзяржавы. "Аляксандр Лукашэнка 10 кастрычніка падпісаў указ, якім вызначыў датай правядзення выбараў у мясцовыя Саветы дэпутатаў Беларусі дваццаць пятага склікання 14 студзеня 2007 года", – паінфармавалі ў прэс-службе.
Там паведамілі, што "дзяржаўным органам, іншым арганізацыям дадзена даручэнне забяспечыць выкананне ва ўсталяваныя Выбарчым кодэксам тэрміны аднесеных да іх кампетэнцыі арганізацыйных мерапрыемстваў па падрыхтоўцы і правядзенню выбараў у мясцовыя саветы дэпутатаў".
У прэс-службе адзначылі, што фінансаванне расходаў па падрыхтоўцы і правядзенню выбараў будзе здзяйсняцца Саветам міністраў Беларусі за конт сродкаў рэспубліканскага бюджэту.
