Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У галадоўцы ўдзельнічаюць звыш 170 пратэстантаў 10:23, 11/10/2006, фото ByMedia.net
Колькасць галадуючых у Менску веруючых пратэстанцай царквы "Новае жыццё" павялічылася да 174 чалавек з розных гарадоў Беларусі – Менска, Жодзіна, Мозыра, Стоўбцаў, Дзяржынска. Аб гэтым прэс-цэнтру Хартыі`97 паведаміла прэс-сакратар царквы Іна Давыдовіч. Кругласутачна ў царкве знаходзяцца больш 30 чалавек, але на працягу дня падтрымаць галадаючых прыходзяць сотні людзей.
Пра пачатак акцыі пратэсту супраць дзеянняў Мінгарвыканкама – бестэрміновай галадоўцы – пратэстанты абвясцілі 6 кастрычніка. Было таксама вырашана праводзіць штодзённыя малітоўныя служэнні, а таксама арганізаваць мітынг пратэсту ў Менску на плошчы Бангалор 21 кастрычніка, заяўка на правядзенне якога была пададзеная 3 кастрычніка.
"Новае жыццё" падтрымалі хрысціяне іншых канфесій. Большасць пастараў поўнаевангельскіх цэркваў выявілі жаданне ўдзельнічаць у акцыях пратэсту, а іх у Беларусі каля 60.
21 ліпеня гаспадарчы суд Менску абавязаў царкву "Новае жыццё" прадаць будынак царквы на вул. Кавалёва, 72 Мінгарвыканкаму за 17 тысяч даляраў і вызваліць памяшканне да 8 кастрычніка.
Мінгарвыканкам пакуль не рэагуе на акцыю пратэстантаў.
