Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Зараз у будынку царквы "Нове жыццё" знаходзяцца больш 100 чалавек. Галадоўка ідзе ўжо 6-я суткі. 10 медыкаў з паліклінік Фрунзенскага раёна г.Менску прыехалі аглядзець галадаючых, у тым ліку галоўны лекар паліклінікі №2 Фрунзенскага раёна г.Менску Уладзімір Курышка. Медыкі мерыюць ціск, пульс, тэмпературу ўдзельнікаў галадоўцы.
"Стан галадуючых задавальняючы, але ёсць некалькі чалавек, якія выклікаюць хваляванне", – сказаў лекар У. Курышка. У асноўным гэта людзі старэйшага ўзросту, а таксама тыя, хто адмовіўся ад вады. Усяго лекары аглядзелі больш 50 чалавек.
Нагадаем, 5 кастрычніка, у чацвер, веруючыя царквы "Новае жыццё" у адказ на дзеянні ўлад абвясцілі галадоўку. Веруючыя патрабуюць адмяніць рашэнне Менгарвыканкама, паводле якога царква "Новае жыццё" пазбавілася зямлі і будынка, і дазволіць перапрафіляваць будынак царквы ў культавы. За ўсю гісторыю Беларусі не было падобнай масавай галадоўкі пратэсту. Колькасць галадаючых расце з кожным днём – на цяперашні момант галадае 186 чалавек.
