Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Следчы пракуратуры пагражаў адвакату Паўла Красоўскага 16:06, 11/10/2006
Старэйшы следчы па адмыслова важных справах Пракуратуры Рэспублікі Беларусь Аляксандр Расолька сёння прыняў пастанову аб прызнанні падазроным ва ўчыненні шэрагу крымінальных спраў моладзевага актывіста Паўла Красоўскага. У адказ на заяву адваката Паўла Сапелкі аб недатычнасці Красоўскага да злачынстваў, учыненых ў 1999 годзе, а таксама да арганізацыі выбухаў у Віцебску летась, следчы стаў пагражаць абаронцу.
"Я заявіў следчаму Расольке, што справа пракуратуры раскрываць злачынствы мінулых перыядаў, а не высоўваць абсурдныя пастановы ў дачыненні загадзя невінаватага чалавека. У пастанове аб прызнанні Красоўскага падазроным не паказана ніводнай падставы, паводле якой яго можна было б лічыць датычным да ўчынення асоба цяжкіх злачынстваў. У адказ следчы заявіў, што супраць мяне таксама могуць узрушыць крымінальную справу, а артыкул, маўляў, знойдзецца – "усі пад Богам ходзім"", – распавёў прэс-цэнтру Хартыі`97 Павел Сапелка.
"Расследванне злачынстваў мінулых перыядаў – гэта справа цяжкая, няўдзячная, але вельмі высакародная. Аднак калі яна накіраваная сапраўды на расследванне, а не на аказанне ціску на чалавека ў сувязі з яго палітычнай і грамадскай дзейнасцю", – адзначыў адвакат.
