Галадуючыя пратэстанты маюць патрэбу ў матрацах і вадзе :: Хартыя'97 :: Навiны

212 чалавек галадаюць сёння ў Менску. Гэта веруючыя пратэстанцкай царквы "Новае жыццё". Галадоўка-пост, як яе завуць пратэстанты, пачалася 6 кастрычніка. Кругласутачна ў будынку царквы знаходзяцца больш за 100 чалавек. Галадоўку падтрымалі не толькі ў Менску, але і ў Жодзіна, Мозыры, Стоўпцах, Дзяржынске, Брэсце. Прэс-цэнтр Хартыі`97 учора наведаў удзельнікаў галадоўкі. На пытанне, у чым маюць патрэбу галадуючыя, яны адказалі – у вадзе і матрацах.

Вада неабходная галадаючым для падтрымання сіл. Матрацаў не хапае, паколькі людзі, якія доўгі час не прымаюць ежу, знясіленыя і практычна ўвесь дзень змушаныя ляжаць.

Мы просім усіх, каму неабыякавы лёс людзей, якія змагаюцца за прытрымліванне закона і правоў чалавека ў нашай краіне, дапамагчы ўдзельнікам галадоўцы.