Урад сыйдзе ў адстаўку? :: Хартыя'97 :: Навiны

Аляксандр Лукашэнка незадаволены тым, як урад ставіцца да выканання яго даручэнняў. "Яшчэ адна такая гутарка (нарада па пытанні развіцця рынку тытунёвых вырабаў – "Інтэрфакс"), і мы застанемся без некаторых сяброў Савета міністраў, або ў цэлым без урада", – заявіў ён у інтэрв`ю журналістам у Менску.

А.Лукашэнка сказаў, што "не мае намеру цярпець тое, як выконваюцца рашэнні прэзідэнта". У прыватнасці, ён выказаў незадавальненне тым, як вырашаюцца праблемы, звязаныя з дэбюракратызацыяй. "Пакуль мяне гэта не задавальняе", – канстатаваў ён. Пры гэтым ён заявіў, што мае намер "асабіста кантраляваць асноўныя працэсы, звязаныя, у тым ліку, з рашэннем праблем дэбюракратызацыі". "Як гавораць людзі: замест прынцыпу "аднаго вакна" з`явілася сем дзвярэй", – адзначыў беларускі кіраўнік.

Акрамя таго, А.Лукашэнка мае намер па-ранейшаму трымаць на сваім кантролі пытанні "тытунёвага, алкагольнага, паліўнага рынкаў". "Гэтыя пытанні будуць заўсёды ў поле зроку прэзідэнта", – сказаў ён.

Аляксандр Лукашэнка таксама акцантаваў увагу на недахопах падчас рэалізацыі дзяржаўнай праграмы адраджэння і развіцця сяла. "Займаючыся будаўніцтвам аграмястэчкаў, добраўпарадкоўваючы сацыяльную сферу, шмат хто забыў аб вытворчасці", – заявіў А.Лукашэнка.