Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Акцыя салідарнасці з Беларуссю пройдзе ў Вашынгтоне 11:00, 13/10/2006
Напярэдадні Дня беларускай салідарнасці, у нядзелю 15 кастрычніка, у Вашынгтоне пройдзе акцыя салідарнасці з народам Беларусі. "Акцыя, якая мае быць, – юбілейная, – паведамляецца ў спецыяльнай заяве грамадзянскай ініцыятывы "Погляд", якая з`яўляецца ініцыятарам правядзення Дзён салідарнасці з Беларуссю. – Роўна год Вашынгтон праводзіць акцыі салідарнасці з дэмакратычнай Беларуссю. Воля да свабоды беларусаў, іх зацятасць і жаданне быць пачутымі знаходзяць сваё адлюстраванне ў рэгулярных шматлікіх акцыях па ўсім свеце. Свет салідарны з Беларуссю".
"16 кастрычніка, год назад, усяго два чалавека стаялі насупраць амбасады Беларусі з бела-чырвона-белымі сцягамі і самаробным постэрам "16", – гаворыцца далей у заяве "Погляд". – За год супольнасць салідарных з Беларуссю вырасла і ўмацавалася: сотні чалавек наведваюць Дні салідарнасці з Беларуссю ў Вашынгтоне".
Акцыя салідарнасці пройдзе з 14:00 да 17:00 насупраць беларускай амбасады па адрасу: 1619 New Hampshire Ave NW, (Near 18th & New Hampshire), Washington, DC 20009
