Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Магілёўскія актывісты зладзілі флэш-моб каля КДБ 17:05, 16/10/2006
14 кастрычніка ў Магілёве адбылася акцыя, якую правялі актывісты моладзевых суполак. Моладзь выступіла на знак салідарнасьці зь сябрамі “Маладога фронту”, якія былі затрыманыя 14 верасьня і цяпер перасьледуюцца адміністрацыямі сваіх навучальных устаноў і супрацоўнікамі КДБ.
У акцыі прынялі ўдзел столькі ж, колькі было затрымана месяц таму, - 25 чалавек. Маладыя людзі, паклаўшы рукі адзін аднаму на плечы, ланцужком некалькі разоў прайшлі пад вокнамі Ленінскага РАЎС Магілёва і будынку КДБ.
Нагадаем, што 14 верасьня падчас справаздачна-выбарчага сходу "Маладога Фронту" да магілёўскай філіі ПЦ "Вясна" пад`ехаў аўтобус ПАЗ з спэцназаўцамі. Яны ўварваліся ў офіс, дзе затрымалі 25 чалавек, канфіскавалі літаратуру. Затрыманых адвезьлі ў Ленінскі РАУС. Там правёўся агляд іх рэчаў і допыты. Праз нейкі час актывістаў вызвалілі.
