Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У менскім аэрапорце ледзь не разбіўся пасажырскі самалёт з Італіі 12:10, 16/10/2006
У самалёта А-319 авіякампаніі "Аліталія", які выконваў рэйс Мілан-Менск у нядзелю, пры заходзе на пасадку ў Нацыянальным аэрапорту Менск паўсталі праблемы з пярэднім шасі, паведамілі "Інтэрфаксу" у Дзяржкамітэце па авіяцыі Беларусі.
Па словах суразмоўцаў, пры заходзе на пасадку экіпаж самалёта авіякампаніі "Аліталія" у 16.12 па менскім часе звязаўся з кіраўніком палётаў Менскага аэрадромна-дыспетчарскага цэнтра Нацыянальнага аэрапорта Менск і запытаў дазвол на заход на другі круг у сувязі з неабходнасцю правесці праверку паказанняў прыбораў, якія паказвалі на няштатную працу пярэдняй стойкі шасі.
Праз 14 хвілін з другой спробы самалёт А-319 зрабіў пасадку.
На гэтым рэйсе з Італіі ў Менск вярталіся дзеці, якія праходзілі ў гэтай краіне курс аздараўлення.
Airbus А-319 – пасажырскі самалёт для авіяліній сярэдняй працягласці, па сваіх характарыстыках гэты самалёт з`яўляецца аналагам Ту-154. Размах крыла складае 34,1 м, даўжыня самалёта 33,8 м, вышыня 11,8 м. Разлічаны на перавозку 116-126 пасажыраў. Крэйсерская хуткасць 850 км/г, далёкасць палёту – да 3650 км.
