Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Тарасюк адмовіўся ехаць да Лукашэнкі 10:42, 16/10/2006
Міністр замежных спраў Украіны Барыс Тарасюк адмяніў візіт у Беларусь, дзе ён у Менску павінен быў прыняць удзел у паседжанні Савета міністраў замежных спраў краін-удзельнікаў СНД. Адмена візіту звязаная са зменамі ў працоўным графіку міністра, перадае УНІАН.
Замест Тарасюка ў паседжанні Савета міністраў замежных спраў краін-удзельнікаў СНД прыме ўдзел намеснік міністра замежных спраў Украіны Уладзімір Агрызка.
Таксама Агрызка прыме ўдзел у сустрэчы Аляксандра Лукашэнкі з кіраўнікамі дэлегацый Савета міністраў замежных спраў СНД.
Нагадаем, што сёння на паседжанні Савета міністраў замежных спраў краін-удзельнікаў СНД у Менску плануецца падпісаць 15 дакументаў. Прадугледжваецца, што падчас паседжання 15 дакументаў, якія ўжо прайшлі прапрацоўку ў дзяржавах-удзельніках і былі ўзгодненыя падчас экспертных паседжанняў, будуць падпісаныя без абмеркавання.
У павестку дня паседжання занесеныя 20 пытанняў. У прыватнасці, 5 дакументаў выносіцца на абмеркаванне, у тым ліку ініцыяваны Украінай праект заявы кіраўнікоў дзяржаў-удзельнікаў СНД па актывізацыі супрацоўніцтва ў барацьбе з пазапраўнай міграцыяй.
