Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
16 кастрычніка у Гомелі адбыўся флэш-моб “Сьвечкі Салідарнасьці”. Ў 20 гадзін каля помніка Кірылы Тураўскага сабралося болей 50 маладзёнаў, якія выказалі сваю салідарнасьць з рэпрэсаванымі па палітычных матывах беларусамі. Акцыя была шырока анансаваная, столькі маладых актывістаў да гэтага часу ў Гомелі на флэш-мобах яшчэ не збіралася.
Не абыйшлося без затрыманьняў. 20 маладзёнаў былі затрыманыя супрацоўнікамі АМАПу і КДБ у цывільным. Каля самога помніка актывістаў чакалі 30 супрацоўнікаў праваахоўных ворганаў. Каб было меньш шанцаў сыйсьці, раён, дзе адбывалася акцыя, быў ачэплены байцамі АМАПу.
Па словах Мінкова Дзяніса, Чалапа Зміцера, Буранковай Вольгі і Кутасава Зміцера, як толькі маладзёны запалілі сьвечкі іх пачалі затрымоўваць. Затрыманых на ікарусе завезлі ў Цэнтральны РУУС г. Гомелю й пачалі дапытваць, здымаць на відэа, а таксама перапісалі пашпартныя дадзеныя. Пратаколы не складаліся, прозьвішчаў супрацоўнікі міліцыі адмаўляліся называць, правялі вобыск і вялі допыт у жорсткай і нахабнай манэры, перамяжоўваючы гутарку матамі, у бок дзяўчат казалі брыдкасьці.
Апошні затрыманы быў вызвалены праз паўтары гадзіны.
