Расея абмежавала закупку тавараў з Беларусі на бюджэтныя сродкі :: Хартыя'97 :: Навiны

У Расеі не існуе ніякіх абмежаванняў для беларускіх тавараў, заявіў намеснік міністра эканамічнага развіцця і гандлю РФ Андрэй Шаронаў у сераду ў Дзярждуме. "Ніякіх абмежаванняў няма. Любы ўдзельнік можа купляць тое, што купляў, ніякіх дадатковых абмежаванняў – ні мытных, ні квотных – няма", – сказаў ён, адказваючы на пытанне дэпутата ад фракцыі КПРФ Аляўціны Апарынай, ці абмяжоўвала Мінэканамразвіцця Расеі доступ на расейскі рынак беларускіх тавараў. Шаронаў растлумачыў, што раней Мінэканомразвіцця прыняло рашэнне аб абмежаванні закупу на бюджэтныя сродкі тавараў з Беларусі, але гэта не азначае абмежавання для ўсяго расейскага рынку.

Ён нагадаў, што летась у Расеі быў прыняты закон аб дзяржзакупках, паводле якога "замежныя пастаўшчыкі ўдзельнічаюць на нацыянальных правах, калі ў іх у дачыненні да расейскіх тавараў не ўсталявана іншае". У той жа час, адзначыў намеснік міністра, Мінэканамразвіцця атрымала вялікі аб`ём інфармацыі датычна Беларусі, што гэтая краіна пры дзяржзакупках дыскрымінуе расейскія тавары.

"Пры дзяржаўных закупах у Рэспубліцы Беларусь расейскія тавары дыскрымінуюцца, гэта значыць існуюць прамыя забароны на куплю на бюджэтныя сродкі расейскіх тавараў. Гэта датычыцца вялікай наменклатуры тавараў, у тым ліку і ў сельгастэхніцы", – сказаў Шаронаў.

У сувязі з гэтым, працягнуў ён, Мінэканамразвіцця Расеі, што ўваходзіць у яго кампетэнцыю, і прыняло рашэнне аб абмежаванні закупцы на бюджэтныя сродкі тавараў з Беларусі.

Пры гэтым, растлумачыў намміністра, гаворка ідзе аб тых таварах, якія не з`яўляюцца выключнымі для расейскіх прадпрыемстваў. Шаронаў дадаў, што накіраваў ліст у розныя міністэрствы і рэгіёны з тым, каб у Мінэканамразвіцця была прадстаўленая інфармацыя аб тых беларускіх таварах, закупка якіх за кошт бюджэтных сродкаў Расеі неабходная.