Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
"Стан здароўя ўдзельнікаў акцыі "Пост-галадоўка" здавальняючы", – заявіў лекар-анестэзіёлаг-рэаніматолаг Арцём Адаменка. Нагадаем, кожны дзень, пачынаючы з 17 кастрычніка, лекары медыцынскага служэння пры Саюзе Евангельскіх хрысціянаў-баптыстаў праводзяць абследванне галадаючых.
Па словах адмыслоўцы, скаргі ўдзельнікаў акцыі тыповыя для галадаючых людзей: слабасць, галаўныя болі, болі ў вобласці пазваночніка. Стан здароўя некаторых удзельнікаў паста-галадоўцы ўсё ж выклікае асцярогу ў медыкаў, паколькі ў іх вельмі нізкі артэрыяльны ціск. Па словах Арцёма Адаменкі, нізкі ціск, які ў дадзеным выпадку выкліканы нізкім водным балансам, можа прывесці да сур`ёзнага збою ў працы нырак і сэрца. "Таму за імі будзе весціся пільнае назіранне. Магчыма, неўзабаве нам прыйдзецца прымаць рашэнне, ці могуць гэтыя людзі працягваць галадаць з медыцынскага пункту гледжання", – адзначыў адмыслоўца.
У цяперашні час у галадоўцы прымае ўдзел 152 пратэстанта. Людзі патрабуюць вярнуць ім будынак царквы "Новае жыццё" па адрасе Кавалёва,72.
