Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Генпракуратура Літвы забірае матэрыялы па справе гібелі ў Беларусі свайго дыпламата 16:12, 19/10/2006
Прадстаўнік Генеральнай пракуратуры Літвы Юстас Луцюс прыехаў у Беларусь. Ён павінен атрымаць усе матэрыялы па справе аб гібелі літоўскага дыпламата Вітаўтаса Пацюнаса. Пра адмову пракуратуры Беларусі ў распачынанні крымінальнай справы ў сувязі з гібеллю дыпламата літоўскі бок даведаўся з прэсы, а таму не можа каментаваць гэтае рашэнне, пакуль не азнаёміцца з вынікамі расследавання беларускіх праваахоўных органаў.
Нагадаем, што літоўскі дыпламат выпаў з 9-га паверха гасцініцы “Інтурыст” у Берасці, дзе ён жыў.
