Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
16 сутак доўжылася галадоўка ў падтрымку Аляксандра Казуліна 12:32, 20/10/2006
Сёньня ў Наваполацку сябра Кансэрватыўна-хрысьціянскай партыі БНФ Анатоль Кулік спыняе галадоўку, пачатую 4 кастрычніка, паведамляе «Радыё Свабода». Гэта была акцыя палітычнай падтрымкі Аляксандра Казуліна. Паводле словаў Анатоля Куліка, у часе галадоўкі ён не пакідаў працы ў адной з прыватных кампаніяў.
Гэта другая сёлета палітычная галадоўка Анатоля Куліка. Першую ён праводзіў супраць інаўгурацыі Аляксандра Лукашэнкі. Цяперашнюю акцыю таксама называе палітычнай і яе прычыны тлумачыць так:
“Сам Казулін мае адчуваць і ведаць, што падтрымка ёсьць і будзе. Асабліва за яго ўчынкі і дзейнасьць. Вось гэта мне імпануе. Гэтыя пастарункі і краты ня зломяць мужных людзей”, -- паведаміў апазыцянер.
Са словаў Анатоля Куліка, ён зьяўляецца сябрам БНФ ад 1988 году, быў удзельнікам першага зьезду руху, узначальваў гарадзкую арганізацыю Кансэрватыўна-хрысьціянскай партыі БНФ, быў абраны дэпутатам Наваполацкага гарсавету. Калі ён даведаўся пра зварот палітвязьня Аляксандра Казуліна да грамадзянаў Беларусі і пра яго намеры пачаць у кастрычніку бестэрміновую галадоўку, дык адразу вырашыў падаць знак салідарнасьці:
