Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Польшча ставіць рэкорд у гандлі з беларускім рэжымам 15:01, 20/10/2006
Сёлетні польска-беларускі гандлёвы абарот разам з паслугамі можа аказацца рэкордным і скласьці 2 мільярды амэрыканскіх даляраў. Дарадчык па эканамічных пытаньнях Пасольства Польшчы ў Менску Анджэй Шот у інтэрвію для ўрадавага беларускага штотыднёвіка "7 дней", сказаў што за 7 месяцаў гэтага году гандлёвы абарот паміж Польшчай і Беларуссю склаў амаль 1 мільярд даляраў. Гэта на 21% больш у параўнаньні з падобным пэрыядам мінулага году.
Анджэй Шот паведаміў, што Польшча экспартуе ў Беларусь, між іншым, сьвініну, агародніну й садавіну ды будаўнічыя матэрыялы. А імпартуе нафтапрадукты, штучныя ўгнаеньні, метал і драўніну.
У Беларусі дзейнічаюць 430 польскіх фірмаў. А летась па турыстычных мэтах Польшчу наведала 400 тыс. беларусаў. Гандлёвы дарадчык Пасольства Польшчы ў размове з журналістам "7 дней" заўважыў, што пакуль няшмат палякаў едзе ў Беларусь з турыстычнымі мэтамі. Надалей праблемным зьяўляеца перасячэньне мяжы, але ўжо бачны ў гэтай галіне прагрэс - сказаў Анджэй Шот.
