Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Беларусі з`явіцца банк са 100% іранскім капіталам? 13:27, 23/10/2006
Магчыма, што ў Беларусі хутка будзе створаны банк са стопрацэнтным іранскім капіталам. Прынамсі, гэтае пытанне падрабязна абмяркоўвалася на сустрэчы міністра замежных спраў Беларусі з міністрам гандлю Ірана ў рамках візіту Сяргея Мартынава ў Іран з 19 па 22 кастрычніка, паведамляе АФН. Па меркаванні бакоў, адкрыццё такога банку значна спросціць узаемаразлікі паміж суб`ектамі гаспадарання двух краін і будзе спрыяць росту таваразвароту. Ці будзе гэта ізноў створаны банк, або іранскаму фундатару прапануюць які-небудзь з дзеючых банкаў, не паведамляецца.
Падчас сустрэчы з міністрам замежных спраў Ірана С.Мартынаў і Манучэхра Матакі асаблівую ўвагу надалі пэўным двухбаковым гандлёва-эканамічным праектам, падпісанне якіх плануецца на бліжэйшы час. Якія праекты прэс-служба МЗС не ўдакладняе. На такія пытанні з просьбай растлумачыць, пра якія праекты ідзе гаворка, прэс-сакратар МЗС, як правіла, адказвае, што ў паведамленні МЗС напісана ўсё, што ў МЗС палічылі неабходным паведаміць.
Пагаварыў С.Мартынаў і з прэзідэнтам Ірана Махмудам Ахмадзінежадам. Падчас размовы гаворка ішла ў асноўным аб узаемадзеянні Беларусі і Ірана ў рамках міжнародных арганізацый.
