Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У гомельскай гарадзкой выбарчай камісіі ня будзе апазыцыі 10:21, 23/10/2006
У гомельскай гарадзкой тэрытарыяльнай камісіі па выбарах у мясцовыя саветы прадстаўнікоў апазыцыі ня будзе. Улады не палічылі мэтазгодным уключаць сюды прадстаўніцу Аб’яднанай грамадзянскай партыі (АГП), былога мэра Гомелю Сьвятлану Гальдадзэ.
Як распавёў “Радыё Рацыя” старшыня гомельскай абласной арганізацыі АГП Васіль Палякоў, у гарвыканкаме не патлумачылі прычынаў, чаму Гальдадзэ не ўключылі ў склад гарадзкай тэрытарыяльнай камісіі. Заканадаўства дазваляе ворганам, адказным за фармаваньне выбарчых камісіяў, не прадастаўляць матывацыю сваіх рашэньняў.
Нагадаем, што яшчэ адзін суб’ект гомельскай дэмакратычнай кааліцыі — Партыя камуністаў Беларуская (ПКБ) — вылучала сямі сваіх сябраў у тэрытарыяльныя камісіі, у тым ліку і абласнога ўзроўню. Але ці здолелі незалежныя камуністы трапіць у гэтыя структуры, першы сакратар гомельскага абкаму ПКБ Уладзімер Сякерка пакуль ня ведае.
Поўны склад рэгіянальных тэрытарыяльных камісіяў будзе вядомы толькі цягам трох дзён зь мясцовай афіцыйнай прэсы. Прынамсі да гэтай крыніцы інфармацыі чыноўнікі адаслалі гомельскіх дэмакратаў.
