Украіна будзе пастаўляць туркменскі газ Беларусі? :: Хартыя'97 :: Навiны

Украіна гатовая ў 2007 годзе паставіць у Беларусь каля 10 мільярдаў кубаметраў газа з туркменскага аб`ёма, вылучанага кампаніяй RosUkrEnergo для Украіны. Па словах крыніцы ў кабінеце міністраў Украіны, Беларусь сама звярнулася з прапановай аб такой схеме, паколькі яна з`яўляецца самай выгаднай па пастаўках газу на тэрыторыі СНД, піша "Коммерсант".

Расея ў 2007 годзе будзе пастаўляць уласны і туркменскі газ ва Украіну па кошце прыблізна ў 130 даляраў за тысячу кубаметраў – па дадзеных выдання, дамоўленасці пра гэта ўжо дасягнутыя. У той жа час "Газпром" яшчэ ў пачатку 2006 года прапанаваў Беларусі купляць паліва за 200 даляраў за тысячу кубаметраў. З-за гэтага набыццё газу праз Украіну можа зрабіцца для Беларусі больш выгадным.

Аднак Аляксандр Лукашэнка не згодны з прапанаваным высокім коштам на газ і настойвае на захаванні ўнутрырасейскіх коштаў (46,68 даляра за тысячу кубаметраў) у Беларусі. Перамовы па гэтым пытанні паміж "Белтрансгазам" і "Газпромам" пачнуцца ў самы блізкі час. Таму спробы купіць газ ва Ўкраіне ў абыход Расеі Беларусь пакуль не пацвярджае.

Украіну і Беларусь звязвае газаправод Івацэвічы-Даліна. Газ шоў па яму яшчэ некалькі год таму, а прапускная здольнасць у 2003 годзе склала 7,8 мільярда кубаметраў. Аб тым, у якім стане газаправод знаходзіцца зараз, невядома.