У Лукашэнкі і амбасадара ЗША «розныя погляды» :: Хартыя'97 :: Навiны

"Беларусь зацікаўленая ў адкрытым і канструктыўным дыялогу са Злучанымі Штатамі Амерыкі на ўмовах раўнапраўя, узаемнай павагі і ўліку інтарэсаў", – заявіў А.Лукашэнка, прымаючы даверчыя лісты ад амбасадара ЗША ў Беларусі Карэн Сцюарт. А.Лукашэнка лічыць, што "розныя погляды па шэрагу пытанняў не павінны перашкаджаць нарошчванню сумесных намаганняў там, дзе нашыя падыходы супадаюць".

"Я вельмі спадзяюся, што дзейнасць новага амбасадара ЗША, якая вельмі добра ведае Беларусь і з улікам набытага ёю вопыту, будзе накіраваная на пашырэнне ўзаемавыгадных і паважлівых адносінаў паміж нашымі дзяржавамі", – заявіў А.Лукашэнка.

У сваю чаргу амерыканскі дыпламат у размове з журналістамі адзначыла, што "мы працягнем садзейнічаць развіццю дэмакратычных працэсаў у Беларусі". "Я тут для таго, каб прадстаўляць прэзідэнта Буша і амерыканскі народ. Мы ўжо доўгі час працягваем руку сяброўства беларускаму народу", – заявіла К.Сцюарт.