Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Дзеючая ў Беларусі 20%-ная квота на ўдзел замежнага капіталу ў банкаўскай сістэме будзе скасаваная ў кантэксце ўступа ў СГА, заявіў першы намеснік старшыні ўпраўлення Нацбанка Беларусі Павел Калаур, выступаючы на 2-ом беларуска-латвійскім фінансава-інвестыцыйным форуме ў Менску.
"Я глыбока перакананы, што па меры перагаворнага працэсу з СГА гэтай квоты ў Беларусі не будзе", – сказаў П.Калаўр. Між тым ён нагадаў, што ў цяперашні час доля ўдзелу замежных інвестыцый у сукупным статутным капітале беларускіх банкаў складае 9,3%.
Разам з тым П.Калаўр падкрэсліў, што Беларусь, як і Расея, "пакуль не гатовая забяспечыць допуск філій замежных банкаў". Прадстаўнік НББ растлумачыў, што праца філіялій замежных банкаў у Беларусі можа прывесці да няроўных умоў канкурэнцыі, паколькі гэтыя філіі не будуць падпарадкоўвацца патрабаванням мясцовага банкаўскага нагляду. "Да майго здзіўлення і вялізнага шкадавання, калі мы спрабавалі заключыць з шэрагам прымежных еўрапейскіх краін пагадненні аб трансмежным банкаўскім наглядзе, то атрымалі адмову. Пакуль гэтая пазіцыя шэрагу еўрапейскіх дзяржаў застаецца нязменнай, допуск філій замежных банкаў на тэрыторыю Беларусі будзе разглядацца як няроўная канкурэнцыя", – заявіў П.Калаўр.
