Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
МУС Беларусі вырашае пытанне аб увядзенні віз для грамадзян Грузіі 14:50, 26/10/2006
Пытанне аб увядзенні віз для грамадзян Грузіі яшчэ не вырашанае, заявіў міністр унутраных спраў Беларусі Уладзімір Навумаў. "Нам гэта (увядзенне віз) спрасціла бы задачу, бо мы знаходзімся ў адзінай міграцыйнай прасторы з Расеяй. Але, з дугога боку, існуюць пытанні, у якіх і мы зацікаўленыя, у прыватнасці, роднасны абмен. Мы абмяркоўваем пытанне ўвядзення віз, але пакуль пэўна сказаць, да чаго прыйдзем – складана", – сказаў Навумаў журналістам у чацвер у Менску.
Па яго словах, "пакуль нам Расея не можа прад`явіць прэтэнзій, што грамадзяне Грузіі ўехалі на тэрыторыю Расеі праз Беларусь." "Такія факты адзінкавыя", – растлумачыў ён. "На першае месца мы ставім свае нацыянальныя інтарэсы, але калі пакінем бязвізавы рэжым, то павінны даць гарантыі Расеі, што непажаданыя грамадзяне Грузіі ў Расею не патрапяць. Калі мы пакінем бязвізавы рэжым, то знойдзем такія магчымасці", – падкрэсліў міністр, перадае Інтэрфакс.
