Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч узнагароджаны прэміяй Еўрапарламента 13:06, 26/10/2006
Лідэр дэмакратычных сіл Беларусі Аляксандр Мілінкевіч узнагароджаны прэміяй Еўрапейскага Парламента імя Андрэя Сахарава. Аб гэтым прэс-цэнту Хартыі`97 паведамілі крыніцы ў Еўрапарламенце. Лаўрэат прэстыжнай прэміі быў вызначаны лідэрамі палітычных фракцый і старшынёй Еўрапарламента падчас сумеснага паседжання ў Страсбурзе.
Вылучэнне кандыдатуры Мілінкевіча падтрымала буйнейшая фракцыя Еўрапарламента "Еўрапейская народная партыя – еўрапейскія дэмакраты".
"Прысуджэнне прэміі імя Сахарава важнае, як для справы дэмакратыі ў Беларусі, так і для асабістай бяспекі Мілінкевіча, які працягвае падвяргацца ўціскам з боку рэжыму Лукашэнкі", – гаварылася ў заяве фракцыі.
Па меркаванні дэпутатаў, прысуджэнне прэміі імя Сахарава Аляксандру Мілінкевічу стане "рашучым сігналам" для Лукашэнкі аб тым, што Еўразвяз "не забыўся пра сітуацыю ў Беларусі".
Прэмія імя Сахарава "За свабоду думкі" заснаваная Еўрапарламентам у 1988 годзе і прысуджаецца штогод за "дасягненні ў справе абароны правоў чалавека і яго асноўных свабодаў, а таксама за павагу міжнароднага заканадаўства і развіццё дэмакратыі". Намінантаў вылучаюць дэпутацкія фракцыі Еўрапарламента або група дэпутатаў, якая павінна сабраць у падтрымку свайго кандыдата не меней 25 подпісаў.
Цырымонія ўручэння прэміі "За свабоду думкі" адбудзецца на пленарнай сесіі Еўрапарламента ў снежні ў Страсбурзе.
