Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У будынку Менгарвыканкама затрымалі жонку палітолага Уладзіміра Мацкевіча 17:34, 26/10/2006
Сваякі галадаючых вернікаў царквы "Новае жыццё" сёння паспрабавалі прайсці на прыём да намесніка старшыні Мінгарвыканкама Міхаіла Ціцянкова. Аднак у будынку мэрыі іх затрымалі невядомыя людзі ў цывільным. Аб гэтым прэс-цэнтру Хартыі’97 паведамілі ў прэс-службе царквы "Новае жыццё".
Сваякі галадаючых пратэстантаў хацелі высвятліць у намесніка мэра, калі вырашыцца пытанне з будынкам царквы "Новае жыццё", за якое ўжо 20 дзён галадаюць больш сотні чалавек. У кабінет службоўцы іх не прапусцілі, а з прыёмнай людзей сталі выцясняць невядомыя людзі ў цывільным. Імі была затрыманая жонка палітолага Ўладзіміра Мацкевіча, таксама галадаючага ў падтрымку царквы "Новае жыццё", Святлана Мацкевіч. Вядома, што жанчына зараз знаходзіцца ў РУУС Маскоўскага раёна Менска.
