Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
За пікет ля адміністрацыі прэзідэнта -- 15 сутак арышта 12:38, 27/10/2006
Сябра Беларускай сацыял-дэмакратычнай партыі (Грамада) з Барысава Аляксандр Абрамовіч атрымаў 15 сутак адміністрацыйнага арышту за правядзеньне пікету ў падтрымку палітычных вязьняў. Пра гэта “Радыё Свабода” паведамілі ў судзе Ленінскага раёну Менску.
26 кастрычніка насупраць галоўнага ўваходу ў будынак адміністрацыі ён разгарнуў плякат з партрэтам Аляксандра Казуліна і надпісам “Свабоду Казуліну і іншым палітвязьням”. Праз некалькі хвілінаў яго затрымала ахова будынку і людзі ў цывільным. У студзені Алесь Абрамовіч адбыў 7 сутак у турме на Акрэсьціна за тое, што выйшаў да прэзыдэнцкай адміністрацыі з плякатам “Выбары без дыктатара Лукашэнкі”.
