Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Святлану Мацкевіч судзяць за спробу прайсці ў Мінгарвыканкам 10:52, 27/10/2006
Сваякі пратэстантаў-галадоўнікаў паспрабавалі дабіцца прыёму ў мэра Мінску Міхаіла Паўлава. Ахова выштурхнула іх з будынку, жонку аналітыка Уладзімера Мацкевіча затрымалі. Святлану Мацкевіч 27 кастрычніка будуць судзіць у Маскоўскім судзе сталіцы.
“Гэта адміністратыўнае правапарушэнне па артыкуле 166: непадпарадкаванне патрабаванням міліцыі вызваліць будынак Мінскага гарвыканкаму. Пры гэтым міліцыянт быў у цывільным, і я нават спачатку не зразумела, што гэта міліцыя: думала, што да нас выйшаў супрацоўнік гарвыканкаму і я магу нарэшце з кімсьці пагаварыць, з нейкай прадстаўнічай асобай. У адказ на маю просьбу ён прадставіўся, і я запісала яго прозвішча. І толькі я запісала ягонае прозвішча, імя, імя па бацьку ў нататнік, як мяне адразу адфутболілі. Міліцыя выставілася ў шарэнгу, і ўсіх сваякоў галадоўнікаў, якія ў той час там былі разам са мной, схапілі і вывелі з будынку гарвыканкаму. А мяне пасадзілі ў машыну і павезлі ў пастарунак. А іншыя засталіся і паехалі сваім шляхам”, -- паведаміла Святлана Мацкевіч «Еўрапейскаму радыё».
Сваякі пратэстантаў патрабавалі, каб чыноўнікі звярнулі ўвагу на іх патрабаванні. Паводле сведчанняў медыкаў, у арганізмах галадоўнікаў пачаліся значныя змены.
