Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Вячорка: «Беларуская Вясна-2006 стала адною з асноўных падзеяў у Эўропе» 12:10, 27/10/2006
Эўрапарлямент абвесьціў лідэра дэмакратычных сілаў Беларусі ляўрэатам прэміі імя Андрэя Сахарава за 2006 год. Старшыня Партыі БНФ Вінцук Вячорка высока ацаніў падзею: "Узнагарода Эўрапейскага парлямэнту імя Андрэя Сахарава для Аляксандра Мілінкевіча -- гэта прызнаньне Беларускае Вясны - 2006 адною з асноўных падзеяў у Эўропе сёлета. Гэта ўганараваньне дзясяткаў тысячаў ахвярных людзей, якія не збаяліся выйсьці за праўду. Гэта, урэшце, падтрымка незалежніцкай пазыцыі А.Мілінкевіча й дэмакратычных сілаў.
Нагадаю, што ініцыятыву ўзнагародзіць А.Мілінкевіча праявіла найбуйнейшая ў парлямэнце дэпутацкая група Эўрапейскай народнай партыі (Партыя БНФ мае ў ЭНП статус назіральніка) на чале з Гансам-Ґертам Пётэрынґам. Нямала зрабілі віцэ-сьпікеры Эўрапарлямэнту Яцэк Сар`юш-Вольскі й Януш Анышкевіч. Праз дэлегацыю ў справе дачыненьняў зь Беларусяй (старшыня Богдан Кліх) пераконвалі іншыя фракцыі. У цэлым гэта важная перамога беларускае справы на міжнародным роўні", -- лічыць палітык.
