Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
«Цветотрон» працуе тры дні ў тыдзень. Зарплата працоўных – ад 70 да 170 тысяч рублёў 15:31, 27/10/2006
Беларускі прафсаюз працаўнікоў радыёэлектроннай прамысловасці (РЭП) мае намер правесці юрыдычную экспертызу загадаў аб пераводзе працаўнікоў Брэсцкага завода "Цветотрон" на няпоўны працоўны тыдзень, а таксама прааналізаваць сістэму аплаты працы сябраў прафсаюза РЭП на гэтым прадпрыемстве, паведамляе www.praca-by.info. Падчас сустрэчы лідэра прафсаюза РЭП Генадзя Федыніча з прафактывам тэрытарыяльнай першаснай арганізацыі г.Брэста і завода "Цветотрон" высвятлілася, што шэраг падпадзяленняў прадпрыемства працуе ад аднаго да трох дзён у тыдзень, а зарплата складае ад 70 да 170 тысяч рублёў у месяц.
Сёння ад сямітысячнага калектыва на заводзе засталося не больш за 500 чалавек. Генадзь Федыніч паведаміў, што ў самы блізкі час для ўсіх жадаючых працаўнікоў "Цветотрона", незалежна ад іх прафсаюзнай прыналежнасці, РЭП правядзе семінар па прававых пытаннях, на які будзе запрошаны дырэктар завода. "За ўсімі эканамічнымі праблемамі прадпрыемства страціўся чалавек працы. Мы гатовыя адстойваць інтарэсы кожнага працаўніка", – засведчыў Генадзь Федыніч.
