Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Анжаліку Борыс выклікаюць на допыт 14:04, 01/11/2006
Лідэр Саюза палякаў Беларусі атрымала павестку з патрабаваннем з`явіцца заўтра ў Гарадзенскую рэгіянальную мытню на допыт у рамках крымінальнай справы, узбуджанай па факце кантрабанды наркотыкаў праз беларуска-літоўскую мяжу. Аб гэтым прэс-цэнтру Хартыі`97 паведаміў актывіст СПБ Анджэй Пачобут.
Нагадаем, што сёння на допыт быў выкліканы актывіст Саюза палякаў Анджэй Лісоўскі. Актывісту СПБ была ўручаная пастанова аб тым, што ён з`яўляецца падазроным у кантрабандзе наркотыкаў. Пасля допыту Лісоўскі быў дастаўлены дахаты пад канвоем для правядзення ператрусу ў яго кватэры.
Анжаліка Борыс і некалькі актывістаў СПБ былі затрыманыя на мяжы з Літвой 29 кастрычніка. Затрыманне рабілася на падставе таго, што ў аўтамабілі Борыс быў знойдзены пакет з невядомым парашком. Гарадзенская рэгіянальная мытня ўзбудзіла крымінальную справу па факце кантрабанды наркотыкаў. Па паведамленні Дзяржаўнага мытнага камітэта (ДМК) Беларусі, "невядомым парашком" аказаўся гераін.
Актывісты СПБ назвалі тое, што адбываецца, "правакацыяй беларускіх праваахоўных органаў" і заявілі, што не маюць да пакета ніякага дачынення.
