Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Беларускія праваабаронцы звернуцца ў Камітэт па правах чалавека ААН 17:20, 01/11/2006
"Прысуд Зміцеру Дашкевічу – неапраўдана жорсткі. Суддзя амаль задаволіў патрабаванне пракурора, прысудзіўшы Дашкевіча да аднаго з паловай гадоў пазбаўлення волі. Зразумела, чаму судовае паседжанне было зачыненым – каб утаіць неабгрунтаванасць такіх жорсткіх прысудаў. Думаю, што грамадскасці не маглі бы прад`явіць ніякіх доказаў здзяйснення Дашкевічам злачынства. І мы бачым, што складаецца дрэнная тэндэнцыя – актывістаў грамадзянскай ініцыятывы "Партнёрства" асудзілі па той жа схеме. Мы, праваабаронцы, пасля таго, як пройдзем тут усе інстанцыі, будзем дамагацца, каб гэтыя справы разглядаў Камітэт па правах чалавека ААН", – заявіў прэс-цэнтру Хартыі`97 вядомы праваабаронца Алесь Беляцкі, каментуючы прысуд моладзеваму лідэру Зміцеру Дашкевічу – 1,5 гады калоніі агульнага рэжыму за "дзейнасць ад імя незарэгістраванай арганізацыі".
