Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У лукамольцаў будзе свая «ударная стройка» 17:33, 02/11/2006
Камсамольскае возера абвешчанае "ударной молодежной стройкой" на 2007-2008 гады. Аб гэтым заявіў на ўрачыстым адкрыцці Рэспубліканскага злёту студэнцкіх атрадаў "Маладосць – праца – рамантыка" першы сакратар праўладнага Беларускага рэспубліканскага саюза моладзі Леанід Кавалёў.
Падчас гутарцы з карэспандэнтам БЕЛТА Леанід Кавалёў чамусьці не паведаміў больш падрабязна пра тое, як будзе адбывацца "ударная стройка", а больш гаварыў аб азеляненні прылеглага да возера раёна.
"А ў самы блізкі час парк, які прылягае да возера, папоўніцца маладымі высадкамі. Сымбалам непарыўнасці і пераемнасці пакаленняў стане кожнае дрэва, пасаджанае актывістамі моладзевых рухаў розных гадоў ", – падкрэсліў першы сакратар БРСМ. Плануецца, што мерапрыемствы ў рамках акцыі будуць праводзіцца рэгулярна і завершацца ў 2008 годзе, у год 90-годдзя ВЛКСМ.
Дарэчы, у рамках злёту прайшла акцыя, падчас якой БРСМаўцы высадзілі ў парку каля Камсамольскага возера маладыя елкі. Тут будзе створаная "Алея байцоў студатрадаў".
