Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Расея з новага года спыняе пастаўкі электраэнергіі ў Беларусь 13:17, 03/11/2006
Пастаўкі расейскай электраэнергіі ў Беларусь у будучым годзе здзяйсняцца не будуць. Аб гэтым заявіў сёння ў Менску на прэс-канферэнцыі амбасадар Расеі ў Беларусі Аляксандр Сурыкаў. “Відаць, закупіць электраэнэргію у наступным годзе не атрымаецца. З-за аб’ектыўных абставін еўрапейская частка Расеі апынулася перад пагрозай дэфіцыту электраэнэргіі. У наступным годзе магчыма абмежаваньне спажываньне электрычнасьці для некаторых тэрыторыяў еўрапейскай Расеі”, -- сказаў Сурыкаў. Амбасадар Расеі таксама чакае, што сустрэча Аляксандра Лукашэнкі і Уладзіміра Пуціна, якая павінна адбыцца ў бліжэйшы час у Маскве, будзе складанай. "Сустрэча будзе досыць няпростай, безумоўна. Але, мы спадзяемся, шматлікія пытанні будуць вырашаныя", – сказаў А.Сурыкаў у пятніцу ў Менску на прэс-канферэнцыі.
Амбасадар таксама падкрэсліў, што абодва кіраўніка пазіцыянуюць сябе як паслядоўныя прыхільнікі «саюзнай дзяржавы». "Стварэнне «саюзнай дзяржавы» ідзе не бездакорна. Дзве дзяржавы маюць цэлую кучу пытанняў, якія трэба ўрэгуляваць", – зазначыў расейскі дыпламат.
У прапанаваным беларускім бокам пляне энэргетычнага балянсу на 2007 год меркаваўся імпарт з Расеі 3,3 мільярдаў кіляват-гадзін электраэнэргіі.
