Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Барысаве ўшанавалі памяць ахвяр сталінскіх рэпрэсій (Фота) 15:16, 03/11/2006
2 лістапада, на Дзяды, у Барысаве да мемарыяла "Батарэі" прыйшлі 70 актывістаў руху "За свабоду". У гэтым месцы ў гады сталінскіх рэпрэсій былі растраляныя сотні барысаўчан. Па традыцыі каля мемарыяла быў усталяваны крыж з бела-чырвона-белай стужкай – колера нацыянальнага сцяга Беларусі.
Як вядома, у канцы 20-х- пачатку 30-х савецкае кіраўніцтва актыўна праводзіла палітыку калектывізацыі. Вынікам падобных мер стаў паўсюдны голад. 3 траўня 1933 года ў адказ на памяншэнне нормаў выдачы хлеба ў Барысаве паднялося паўстанне, якое было падаўленае самымі жорсткімі метадамі. Сотні людзей, у тым ліку жанчыны і дзеці, былі расстраляныя, іншыя былі прысуджаныя да 8-10 гадоў без права перапіскі.
