Мэр Архангельска паважае Лукашэнку і Сталіна :: Хартыя'97 :: Навiны

У аўторак у цэнтральным офісе "Інтэрфакса" адбылася сенсацыйная прэс-канферэнцыя, падчас якой 36-гадовы мэр Архангельска Аляксандр Данскі абвясціў аб намеры высунуць сваю кандыдатуру для ўдзелу ў выбарах прэзідэнта Расеі. Такога кандыдата расейцы, здаецца, не чакалі. Але Данскі неадкладна раскруціў прапагандысцкі махавік, піша "КоммерсантЪ". Ён растлумачыў муніцыпальнаму тэлебачанню: "Вырашыць праблемы Поўначных краін толькі на мясцовым узроўні немагчыма. Паўночныя тэрыторыі – гэта практычна ўся краіна, і перамагчы разруху і беднату магчыма толькі рашучымі мерамі на федэральным узроўні". Пасля таго падчас брыфінгу і шматлікіх інтэрв`ю мэр прызнаўся ў павазе да Аляксандра Лукашэнкі, які, "як быў старшынёй калгасу і узяў на сябе адказнасць за лёс мільёнаў грамадзянаў", і да Сталіна, які "быў больш вялікі дэмакрат, чым нямцовы і хакамады".

Малады мэр, які пакутвае ад фінансавага дэфіцыту і знаходзіцца ў зацяжным канфлікце з абласнымі ўладамі, зараз забіў трох зайцаў. Ён глыбока збянтэжыў непрыяцеляў у адміністрацыі вобласці, якія прыняліся вылічаць, хто – Крэмль або Барыс Беразоўскі – падтрымлівае і фінансуе Данскога. Ён гучна прадставіўся кіраўніцтву краіны, у бок якога адвесіў шэраг паклонаў, паказаўшы, напрыклад, што "маё вылучэнне – лішні прыклад таго, што сённяшняя Расея – сапраўды дэмакратычная краіна", і заклікаўшы падоўжыць вертыкаль улады да сельсаветаў. Нарэшце, ён проста разрэкламаваў уласную асобу – пасля Данскога ні адзін раптоўны прэтэндэнт падобнай увагі не дачакаецца.