Генадзь Бураўкiн трапiў у рэанiмацыю :: Хартыя'97 :: Навiны

Знакаміты беларускі паэт Генадзь Бураўкін трапіў у больніцу. Першымі трывогу забiлi паплечнiкі Бураўкiна, калi той не прыйшоў на запланаваную сустрэчу. Мабiльны тэлефон паэта доўга не адказваў. Калi ж Генадзь Мiкалаевiч зняў слухаўку, то з усяго, што ён сказаў, сябры змаглi зразумець толькi тое, што паэт у рэанiмацыi.

Летам Бураўкiн перанёс iнфаркт. Яму стала дрэнна ў кабiнеце чыноўнiка Мiнiстэрства юстыцыi. Гэтая гiсторыя ўзрушыла тады ўсю беларускую грамадскасць. Бураўкiн — чалавек вытрыманы, умее валодаць сваiмi эмоцыямi, усё ж такi не адзiн год працаваў на дыпламатычнай службе. Вырашаўся лёс памяшканняў, якiя займаў Саюз пiсьменнiкаў, i Генадзь Мiкалаевiч не стрымаўся, расхваляваўся. Сэрца не вытрымала, з iнфарктам Бураўкiн трапiў у бальнiцу. А будынак улада ў рэшце рэшт усё роўна адабрала ў незгаворлiвага Саюза.

Зараз Бураўкін ляжыць ў аддзяленні кардыялогii Рэспублiканскай бальнiцы Кiравання справамi прэзiдэнта.

— На гэты раз усё, дзякуй Богу, абышлося, — паведаміў паэт “Народнай волі”. — Збiўся сардэчны рытм, i таму медыкi адправiлi мяне ў рэанiмацыю. Хаця ў бальнiцу я ўвогуле трапiў з iншай хваробай.

Нiколi не пакутаваў ад алергii, а тут, можа, што з`еў, можа, лекi справакавалi рэакцыю, але раптоўна моцна ацёк твар. Жонка спужалася, што гэта ацёк Квiнке, якi можа выклiкаць ацёк гартанi. Выклiкала “хуткую дапамогу”, i мяне адразу адвезлi ў прэзiдэнцкую бальнiцу. Я маю права там лячыцца, не пазбавiлi мяне яшчэ такой iльготы.

Медыкi кажуць, што, магчыма, алергiчная рэакцыя выклiкала стрэс i на гэтай падставе сарваўся сардэчны рытм, падняўся цiск. Пасля iнфаркту мяне не пакiдаюць сардэчныя праблемы. Спачатку мяне паклалi ў рэанiмацыю, але ўжо на наступны дзень перавялi ў кардыялагiчнае аддзяленне. Зараз шукаюць, што выклiкала такую алергiчную рэакцыю.

Урачы ў бальнiцы выдатныя. Мой доктар Рэгiна Мiхайлаўна лячыла Шамякiна, Брыля, зараз мяне ставiць на ногi. Так што хутка буду ў страi.