Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
Аляксандр Мілінкевіч сустрэўся з бацькам палітзняволенага Зміцера Дашкевіча 21:06, 09/11/2006
Сустрэча адбылася ў камітэце абароны рэпрэсаваных “Салідарнасць”. Вячаслаў Дашкевіч распавёў аб падрабязнасцях сваёй сённяшняй сустрэчы з сынам у следчым ізалятары на вуліцы Валадарскага.
Паводле словаў спадара Вячаслава, Зміцер трымаецца бадзёра і годна, настроены рашуча і перакананы, што сітуацыя ў Беларусі вельмі хутка зменіцца.
Аляксандр Мілінкевіч выказаў Вячаславу Дашкевічу словы падтрымкі і салідарнасці. Сям’і моладзевага лідэра аказваецца неабходная дапамога.
Нагадаем, што Зміцер Дашкевіч знаходзіцца пад вартай ад 15 верасня. 1 лістапада яго пакаралі зняволеньнем на паўтара году за ўдзел у незарэгістраванай арганізацыі “Малады фронт”.
