Вы находитесь на старой версии сайта "Хартия'97 - НовостиБеларуси". Замените, пожалуйста, адрес сайта Хартии в закладках. Для перехода на новый сайт нажмите здесь.
У Менску адбылася акцыя памяці ахвяр фашызму (Фота) 11:16, 10/11/2006
У Міжнародны дзень барацьбы з фашызмам і антысемітызмам, які адзначаецца 9 лістапада, у Менску прайшла акцыя памяці. Некалькі дзесяткаў беларусаў сабраліся ў 19 гадзін на Юбілейнай плошчы каля станцыі метро "Фрунзенская" і прайшлі да мемарыяла "Яма" – месца апошняга растрэлу габрэяў Менскага гета. Яны ўсклалі кветкі, правялі хвіліну маўчання і паставілі свечкі.
Працэсію суправаджалі некалькі дзесяткаў супрацоўнікаў міліцыі. У тое, што адбывалася, яны не ўмешваліся.
У ноч з 9 на 10 лістапада 1938 па ўсёй Нямеччыне прайшлі габрэйскія пагромы, якія атрымалі пасля назву "Крыштальнай ночы" (з-за мноства аскепкаў шкла, што ўсейвалі вуліцы). У гэтую ноч загінула 92 габрэя, па ўсёй Нямеччыне былі падпаленыя сінагогі, звыш сямі тысяч крам былі разбураныя і разрабаваныя. Каля 30 тысяч габрэяў былі арыштаваныя і высланыя ў канцэнтрацыйныя лагеры, а на габрэяў у цэлым быў накладзены штраф у мільярд марак.Пасля "Крыштальнай ночы" большасць габрэйскіх арганізацый і ўстаноў былі зачыненыя, а назіранне за габрэямі было перададзена ў рукі гестапа. З гэтага дня пачалася жудасная гісторыя Халакоста.
